IBRA SERVIS

IBRA SERVIS
KOMPIUTER - LAPTOP - SMARTFON - TABLET

Popular Posts


Zot!
Sot
Jam,
Kam,
Shoh,
Njoh, 

Rronj,
Shkonj;
Kam gas
Dhe flas
E them
Të kem
Ditë,
Dritë,
Jetë,
Vetë,
Ah, dua,
Që thua,
Të mos vdes,
Po të mbes
Përjetë
Të ketë
Shpirti im
Pa mundim
Shëndenë
Të jenë
Me mua
Sa dua.
Sonte jam gjall',
E jam mirë,
Po kam dhe mall
E dëshirë,
Zot i vërtetë
I gjithësisë!
Të rronj përjetë
Ndaj njerëzisë!
Ti ke në dorë,
Çdo gjë që të duash;
Nukë je i gjorë,
Arrin që të thuash;
Pa bëhenë gjithë ç'dua,
Po të më dëgjosh mua,
Le të bëhetë thua,
Dhe gjithë janë bërë!
Atë që thua ti vetë,
Zot i math e i vërtetë!
Ajo bënetë në jetë,
Edhe mbaronet' e tërë!
Ti epi jetë njerëzisë,
Shto e beko dhe bagëtinë,
Se ti je Zot' i gjithësisë,
Në dorëz' e ke mirësinë
Njerëzis' epi jetë të gjatë,
Mundimet fare nga jeta ngreji,
Djepinë shkret' e lugënë thatë
Mos e shih kurrë, po mbushur leri.
Fal
Dhe ep
Gjithë ç'ke
Nga të mirat,
E të pështirat
Hidhi tutje,
A vari më ndonjë grep,
A mbuloji më ndonjë mal,
E lërë vetëm mirësitë,
Fal edhe dritë e jet' e ditë
Le të prehet gjithë njerëzija
E të mos ketë kurrë të këqija;
Ligësitë, djallëzitë e marrëzitë
Le të mos rrojnë paskëtaj edhe një ditë
Veç mirësija në këtë jetë të mbretëronjë,
Urdhëri yt, puna jote, Zotth' i math e i vërtetë,
E vërteta le të rronjë, gënjeshtra le të pushonjë
Bëj si të duash, ç'të them unë Zot i vërtetë? Ti e di vetë!


Related Posts:

  • Poema Bagëti e Bujqësia (pjesa e dytë) Naim Frasheri Bagëti e Bujqësia (pjesa e dytë)Bariu plak krabën në dorë edhe urdhëron të rinjtë,E ata gjithë punojnë, ngriturë më bres përqinjtë;Ca bëjnë vathën e shtrungën, ca ngrehin tëndën e stanë,Kush sjell gjeth e karthj' e shkarpa, s… Read More
  • Shkëndijë e Diellit ndaj Manushaqes - poezi Naim Frasheri Shkëndijë e Diellit ndaj ManushaqesManushaqe bukuroshe, Pse s'ngre kryete përpjetë,Po rri e mpit' edh' e qetë,Pse s'zbukuroh e s'shëndoshe?Pa shiko lulet' e tjera,Q'u çel' e u lulëzuan,Shih, pa shi… Read More
  • Bagëti e Bujqësia (pjesa e tretë)Bagëti e Bujqësia (pjesa e tretë)Ti perëndi e ligjërisë, që rri në malt të Tomorit,Unju posht' e më ndih pakë, o motra im'e të gjorit!Më ke leshrat të florinjta e të ergjëndtë krahrorë,Ball' e gush' e faq'e llërë dhe këmb' e … Read More
  • Poema Bagëti e Bujqësia (pjesa e parë)Bagëti e Bujqësia (pjesa e parë)O malet' e Shqipërisë e ju o lisat' e gjatë!Fushat e gjëra me lule, q'u kam ndër mënt dit' e natë!Ju bregore bukuroshe e ju lumenjt' e kulluar!Çuka, kodra, brinja, gërxhe dhe pylle të gjelbërua… Read More
  • Zogu dhe DjaliZogu dhe DjaliNjë zok të bukur zuri një djalë,Ay po dridhej dh'e i thosh ca fjalë:"Nukë të vjen keq që jam i mitur,Si ti i vogël e s'jam dhe rritur? Jam bir i vetëm e mëma më pret,E kam lënë keq brenda në folet.Dheu me d… Read More
Instagram Instagram

Categories

eseshkolle.blogspot.com. Powered by Blogger.

Find Us On Facebook

Gallery

Random Posts

Social Share

Recent comments

Pages

Gallery

Most Popular

BLEJME IPHONA TE BLLOKUAR

BLEJME IPHONA TE BLLOKUAR
BLEJME DHE RIPAROJME

Popular Posts

Blog Archive

Labels