Politika e Investimeve

RAIFFEISEN INVEST 

Politika e Investimeve 

Raiffeisen PRESTIGJ 

 Fond Investimi 

  Politika e Investimeve 

Raiffeisen Invest   2 

Tabela e lendes 

I. Kuadri Ligjor……………………………………………………………………………………………………………………………3 

II. Qellimi…………………………………………………………………………………………………………………………………….3 

III. Objektivat e pergjithshme……………………………………………………………………………………………………….3 

1. Siguria…………………………………………………………………………………………………………………………..3 

2. Likuiditeti………………………………………………………………………………………………………………………4 

3. Yield……………………………………………………………………………………………………………………………..4 

IV. Standartet……………………………………………………………………………………………………………………………….5 

1. Kujdesi…………………………………………………………………………………………………………………………..5 

2. Etika dhe konflikti i interesit………………………………………………………………………………………….5 

3. Delegimi I Autoritetit…………………………………………………………………………………………………….6 

V. Investimet e pershtatshme dhe te lejuara……………………………………………………………………………….6 

1. Llojet e Investimeve………………………………………………………………………………………………………6 

2. Permasat e Investimit dhe vlera fillestare e kuotes………………………………………………………..7 

VI. Parametrat e Investimeve……………………………………………………………………………………………………….7 

1. Diversifikimi………………………………………………………………………………………………………………….7 

2. Maturiteti……………………………………………………………………………………………………………………..8 

3. Oferta konkuruese………………………………………………………………………………………………………..8 

VII. Raportimet……………………………………………………………………………………………………………………………..8 

1. Metodat………………………………………………………………………………………………………………………..8 

2. Standartet e performances……………………………………………………………………………………………9 

3. Vleresimi me vleren e tregut…………………………………………………………………………………………9 

VIII. Konsiderata te rendesishme te Politikes se Investimeve…………………………………………………………10 

1. Perputhshmeria……………………………………………………………………………………………………………10 

2. Amendimet…………………………………………………………………………………………………………………..10 

IX. Aprovimi i Politikes se Investimeve…………………………………………………………………………………………10 

  Politika e Investimeve 

 Raiffeisen Invest   3 

 I. Kuadri Ligjor  

Politika e investimeve të Fondit të Investimit‐Raiffeisen PRESTIGJ (në vijim Fondi) hartohet në 

përputhje me Ligjin nr. 10198 datë 10 Dhjetor 2009 “Mbi Sipërmarrjet e Investimeve Kolektive”, 

Ligjin  nr.  9879  datë  21  Shkurt  2008  “Mbi  titujt”, si  edhe  në  perputhje  me  Direktivat  dhe 

Rregulloret e Autoritetit të Mbikëqyrjes Financiare e Komunitetit Europian. 

 II. Qëllimi  

Politika  e  Investimeve  është  një  dokument  i  cili  përshkruan  mënyrën  se  si  Shoqëria 

Administruese  Raiffeisen  Invest  kryen  investimet  në  emër  të  Fondit.  Ajo  ka  për  qëllim  të 

qartësojë investitorët në lidhje me karakteristikat e Fondit në mënyrë që ata të marrin vendimet 

e duhura të investimit në përputhje me nevojat e tyre dhe tolerancën ndaj riskut.   

Politika  e  investimeve  do të rishikohet  cdo  vit  për modifikime të  nevojshme  që  lindin  nga 

ndryshimi i situatës në tregjet financiare.

III. Objektivat e Përgjithshme  

Objektivat kryesorë sipas rendit të prioritetit në aktivitetin e investimeve do të jenë: 

 1. Siguria 

Siguria është objektivi kryesor i këtij Fondi.  Të gjitha vendimet per investime do të ndërmerren 

në mënyrë të atillë që të sigurojnë ruajtjen e principalit në të gjithë portofolin, minimizimin e 

riskut të kredisë dhe të luhatjes së normave të interesit.  

a. Risku i Kredisë. Raiffeisen Invest do ta minimizojë riskun e kredisë, i cili është risku i humbjes 

për shkak të pasigurisë së emetuesit të titujve:  

•  Duke kufizuar investimet vetëm në llojet e titujve të përmëndur në këtë Politikë Investimi 

seksioni V.  

•  Duke  përzgjedhur me  kujdes  institucionet financiare,  brokër/dealers,  ndërmjetës  dhe 

këshilltarë me të  cilët Raiffeisen Invest do të hyjë në marëdhënie biznesi. Në rast se  krahas 

Raiffeisen Bank, do të përdoren bashkëpunëtorë të tjerë, atëherë lista e tyre do të publikohet në 

Web site të Raiffeisen Invest. Politika e Investimeve 

Raiffeisen Invest   4 

•  Duke  diversifikuar  portofolin  e  investimeve  në  mënyrë  që  efekti  i  humbjeve  të 

mundëshme nga një lloj titulli i një emetuesi të vetëm të minimizohet.  

b. Risku i Normave të Interesit. Raiffeisen Invest do të minimizojë riskun e normave të interesit, 

i cili është  risku i rënies së vlerës së tregut të titujve si rezultat i uljes së normave të interesit:  

•  Duke strukturuar portofolin e investimeve në mënyrë të tillë që titujt që maturohen të 

plotësojnë  nevojat  për  likuiditete  të  vazhdimësisë së  operacioneve,  duke shmangur  kështu 

nevojën për të shitur tituj në tregun e hapur përpara maturitetit. 

 •  Investimet do të jenë kryesisht në afatshkurtër, në kuota të fondeve me Instrumenta të 

Tregut të Parasë, apo  investime të ngjashme të  cilat e  kufizojnë mesataren e maturitetit në 

maksimumi 12 muaj. 

 2. Likuiditeti  

Portofoli i Investimeve duhet të mbetet mjaftueshëm likuid për të plotësuar të gjitha kërkesat 

për shlyerje brënda afatit të përcaktuar në Ligj, i cili është jo më shumë së 7 ditë kalendarike nga 

data e marrjes së një kërkese të vlefshme për shitje. Kjo do të realizohet duke e strukturuar 

portofolin  në mënyrë të  atillë  që maturitet  e  njëpasnjëshme të  përputhen me  nevojat  për 

likuiditete. Pavarësisht se jo të gjitha nevojat për likuiditete mund të njoftohen paraprakisht, 

portofoli në një pjesë të madhe do të përbëhet nga tituj të cilët kanë një treg sekondar shumë 

aktiv, sic janë letrat me vlerë të Qeverisë Shqiptare të cilat ofrojnë likuiditete brënda ditës, apo 

letra me vlerë të qeverive të Komunitetit Europian të cilat gjithashtu kanë një treg sekondar 

aktiv.  

3. Yield  

Portofoli i Investimeve do të ketë objektivin që të arrihet një kthim investimi në përputhje me 

kushtet e tregut gjatë gjithë cikleve ekonomike, duke marrë në konsideratë kufizimet për efekt 

risku si edhe nevojat e likuiditetit.  

Objektivi i kthimit nga investimi do të jetë më pak i rëndësishëm në krahasim me rëndësinë që 

do të  ketë siguria  dhe  likuiditeti  i  përshkruar më sipër.  Pjesa  kryesore  e  investimeve  do të 

përqëndrohet në tituj me risk relativisht të ulët të  cilët do të sigurojnë  kthim nga  investimi 

relativisht të kënaqshëm për nivelin e riskut të marrë përsipër. Synimi është që titujt të mbahen 

deri në maturitet me përjashtim të rasteve kur:  

•  Një titull me risk  kredie të rritur mund të shitet  përpara maturitetit  për të  kufizuar 

humbjen e principalit.  Politika e Investimeve 

Raiffeisen Invest   5 

•  Një shkëmbim titujsh do të sillte përmirësim të cilësisë, yield, apo duration të synuar të 

portofolit.  

•   Shitje e titujve për të plotësuar nevojat e likuiditetit.  

IV. Standartet  

1. Kujdesi 

Standarti  i  kujdesit  do të zbatohet  nga  Menaxheri  i  Investimeve  për të  gjithë  portofolin  e 

menaxhuar prej tij. Veprimi në përputhje me rregulloret dhe procedurat e shkruara, si edhe në 

përputhje me këtë politikë investimesh, duhet ti clirojë ata nga përgjegjësia personale në rast të 

riskut  të  kredisë  së  një  titulli  apo  luhatjeve  të  cmimeve  të  tregut,  kur  devijacionet  nga 

pritshmëritë  janë raportuar  në  kohë  dhe shitja  e titujve  është  bërë  në  përputhje me  këtë 

politikë.  

Standarti i “person i kujdesshëm” përcakton që “Investimet duhen bërë me gjykim dhe maturi, 

në rrethanat  në të  cilat  një  person  i  kujdesshëm,  do të  ushtronte me zgjuarsi  dhe  pjekuri 

administrimin e pasurive të veta, jo për spekullim, por për investim, duke konsideruar mundësitë 

e ruajtjes së kapitalit dhe mundësinë e të ardhurave që do të fitonte si rezultat i këtij investimi”.  

2. Etika dhe konflikti i Interesit  

Punonjësit e përfshirë në procesin e Investimeve nuk duhet të ushtrojnë aktivitet privat i cili për 

shkak të konfliktit të interesit do ti pengonte ata në kryerjen e procesit të investimit në mënyrën 

e  duhur,  apo  që mund të  dëmtonte  aftësinë  e tyre  për të marrë  vendime të  paanëshme.  

Punonjësit  e  investimeve  duhet  të  deklarojnë  informacionet  përkatëse  pranë  burimeve 

njerëzore  të  Shoqërisë  Administruese.  Ata  gjithashtu  duhet  të  deklarojnë  cdo  pozicion 

financiar/investim i cili mund të jetë i lidhur me performancën e portofolit të investimeve. Ata 

nuk duhet të përfshihen në marredhënie biznesi personal me asnjë nga klientet me të cilët ata 

bëjnë biznes në emër të Shoqërisë Administruese.  

 Politika e Investimeve 

Raiffeisen Invest   6 

3. Delegimi i Autoritetit  

Autoriteti për të zbatuar politikën e investimeve i jepet Menaxherit të Investimeve, i cili duhet të 

veprojë    në  përputhje me  procedurat  e shkruara  e të  aprovuara  dhe të  jetë  konsistent me 

politikën e investimeve.  

Asnjë person tjetër nuk mund të kryejë transaksionet lidhur me investimet pa qenë më parë i 

autorizuar  dhë  ndryshe  nga  sa  është  vendosur  në  procedurat  e  miratuara  nga  Këshilli  i 

Administrimit. 

V. Investimet e përshtatshme dhe të lejuara  

1. LLojet e Investimeve  

Në  përputhje  me  Ligjin  nr.  10198  datë  10  Dhjetor  2009,  Kreu  V,  Seksioni  6,  Politikat  e 

Investimeve për Sipërmarrjet e Investimeve Kolektive me ofertë publike, investimet e lejuara 

nga kjo politikë investimi do të jenë: 

•   Bono  Thesari  dhe  Obligacione  të  emetuara  nga  Qeveria  Shqiptare  të  cilat  janë  të 

garantuara nga Qeveria e Republikës së Shqipërisë dhe që konsiderohen si instrumentat më të 

sigurta të tregut në Shqipëri; 

 •   Letra me vlerë të Qeverive të Bashkimit Europian, të cilat kanë një treg likuid dhe që kanë 

një vlerë tregu të përcaktuar dhe që tregtohen në Tregje të rregulluara ose në Bursat e vendeve 

të Bashkimit Europian, ose në vende të tjera të lejuara nga Autoriteti i Mbikëqyrjes Financiare; 

•   Depozita në Institucione Kreditimi të regjistruara në Republikën e Shqipërisë apo në një 

vend të Bashkimit Europian ose në një vend të lejuar nga Autoriteti i Mbikëqyrjes Financiare, të 

cilat mund të tërhiqen menjëherë ose që kanë një afat maturimi jo më të gjatë se 12 muaj;  

•   Investime me shkallë të ulët risku të Pushtetit Vendor dhe Institucioneve Publike, të cilat 

kanë një rating nga agjensitë e njohura kombëtare ose Ndërkombëtare ose rating i brëndshëm i 

bërë  nga  Banka  Raiffeisen.  Investimet  në  këtë  kategori  nuk mund të  kalojnë masën  10%  e 

portofolit të këtij fondi;  

•   Marrëveshje të riblerjes ku titujt nuk duhet të jenë të ndryshëm nga ato të përmendura 

më sipër;  Politika e Investimeve 

Raiffeisen Invest   7 

•   Kuota të fondeve të investimit të përbëra nga instrumente të tregut të parasë, të cilat 

janë në monedhën Euro dhe kanë në përbërjen e tyre vetëm tituj të emetuara nga Qeveritë e 

vendeve anëtare të Bashkimit Europian.  .  

• Instrumenta Financiarë Derivativë 

2. Përmasat e Investimit dhe vlera fillestare e kuotës 

Shuma minimale e investimit nga një investitor në Fond është 5,000 lekë. Cdo shumë shtesë në 

fond nuk mund të jetë më e vogël se 1,000 lekë. Vlera e kuotës në themelimin e fondit do të jetë 

1,000 lekë/kuota. Cdo pagesë në fond dhe cdo shlyerje do të bëhet vetëm në lekë.  

VI. Parametrat e Investimeve  

1. Diversifikimi  

Investimet do të diversifikohen sipas:  

•  kufizimi i investimeve duke shmangur përqëndrimin në tituj të një emetuesi të vetëm, 

ose të një sektori të vecantë (përjashtuar letrat me vlerë të Qeverisë Shqiptare) ;  

•  kufizimi i Investimeve në tituj që kanë risk të lartë ;  

•  duke investuar në tituj me maturitete të ndryshme ;   

•  vazhdimisht një pjesë e investimit do të jetë mjaft likuide në mënyrë që të përmbushen 

detyrimet në vazhdimësi. Deri në 5% e aseteve të Fondit synohet të investohet në depozita me 

afat jo më shumë së 3 muaj. Ky kufi mund të rritet deri në 20% mbështetur mbi pritshmëritë dhe 

nevojat për likuiditet. 

Strategjia e diversifikimit do të përcaktohet dhe rishikohet në mënyrë periodike nga Komiteti i 

Investimit dhe Menaxheri i Investimeve. 

Në përcaktimin e strategjisë së diversifikimit, rregullat e përgjithshme që do të mbahen parasysh 

janë:  

• Shmangie e përqëndrimit në një maturitet specifik. Maturitet e përzgjedhura duhet të 

garantojnë balancën e rritjes së të ardhurave me plotësimin e nevojave për likuiditete.   

 Politika e Investimeve 

Raiffeisen Invest   8 

• Risku i volatilitetit të cmimeve të tregut do të kontrollohet nëpërmjet diversifikimit të 

maturiteteve.  

Kufizimet e mëposhtme do të imponohen mbi portofolin e investimeve:  

•  Risku i Kredisë: Jo më shumë se 5% e portofolit mund të investohet në një emetues të 

vetëm, përvec rastit të titujve të emetuar nga Qeveria e Republikës së Shqipërisë. 

 •  Risku i likuiditetit:  Të paktën 10% e portofolit do të jetë e investuar në instrumenta cash 

dhe tituj të transferueshëm të cilët mund të tregtohen me një ditë njoftim paraprak. Përjashtim 

bën periudha e ofertës fillestare,  gjatë së  cilës 100% e  aseteve të  grumbulluara mbahen në 

depozitë në një ose disa banka të licensuara në Republikën e Shqipërisë. 

2. Maturiteti 

Jo më shumë së 25% e portofolit mund të investohet në maturitet përtej 12 muaj dhe maturiteti 

mesatar i ponderuar nuk duhet të kalojë 12 muaj. 

3. Oferta konkuruese 

Investimet ne tregun primar do te kryhen me yield konkurues. Edhe ne rastet e blerjes ne tregun 

sekondar,  parimi  do  te  jete  mbledhja  e  disa  ofertave  per  te  perzgjedhur  oferten  me  te 

pershtatshme. 

VII.   Raportimet 

1. Metodat  

Menaxheri i Investimeve duhet të përgatisë një raport të paktën një herë në muaj, përfshirë 

edhe  një  përmbledhje  për  Administratorët,  duke  i  bërë  një  analizë statusit të  portofolit të 

investimeve si edhe transaksioneve individuale të kryera në muajin e fundit. Në këtë mënyrë, 

Raiffeisen  Invest do të sigurohet që  investimet  e  kryera për periudhën  e raportimit  janë në 

përputhje  me  Politikën  e  Investimeve.  Ky  raport  do  ti  dërgohet  anëtarëve  të  Komitetit  të 

Investimeve si edhe pjësëmarrësve të tjërë në përputhje me kërkesat e ligjit/ rregulloreve.  

 Raporti do të përfshijë:  

•  Lista e titujve në portofol në fund të përiudhës së raportimit.  Politika e Investimeve 

Raiffeisen Invest   9 

•  Fitimet/humbjet  e realizuara  ose të  përllogaritura  nga mbivlerësimi  ose  nënvlerësimi 

duke listuar koston e tyre dhe vleren e tregut, si edhe titujt të cilët kanë një maturitet të mbetur 

mbi një vit dhe të cilët janë për tu tregtuar dhe jo për tu mbajtur deri në maturim. 

 •  Yield‐i mesatar i ponderuar deri në maturim i portofolit të investimeve krahasuar me 

benchmark  i  cili  do të  përcaktohet  në  përputhje me  përbërjen  e  portofolit, riskun  e marrë 

përsipër dhe maturitetin mesatar të tij. 

•  Lista e investimeve sipas datës së maturimit.  

•  Përqindja e cdo lloj investimi mbi totalin e portofolit të investimit. 

Me kërkesën e Këshillit të Administrimit, Këshillit Drejtues, Autoritetit të Mbikëqyrjes Financiare 

etj, ky raport mund të bëhet edhe më i zgjeruar. 

2. Standartet e Performancës  

Portofoli i Investimeve do të menaxhohet në përputhje me parametrat e specifikuar në këtë 

politikë investimesh. Portofoli synon të arrijë një kthim të investimeve në përputhje me tregun 

në kushtet e qëndrueshme të tregut dhe të normave të interesit. Performanca e Portofolit do të 

krahasohet rregullisht me benchmark (performancë e synuar), e cila do të jetë në përputhje me 

përbërjen e portofolit, riskun e marrë përsipër dhe maturitetin mesatar të tij.  

3. Vlerësimi me vlerën e tregut  

Vlera e tregut e portofolit do të përllogaritet cdo ditë dhe një vlerësim lidhur me ecurinë e vlerës 

së tregut duhet të publikohet të paktën cdo 3 mujor. Kjo do të sigurojë që rishikimi i portofolit të 

investimeve, për volatilitetin e vlerës dhe cmimeve, është bërë në përputhje me këtë Politikë 

Investimesh.  

Me një rregullore të brendëshme Raiffeisen Invest do të përcaktojë metodologjinë e llogaritjes 

së vlerës së tregut të portofolit, ne perputhje me kerkesat e rregulloreve ne fuqi. 

 Politika e Investimeve 

Raiffeisen Invest   10 

VIII. Konsiderata të rëndësishme të Politikës së Investimeve  

1. Përputhshmëria 

Të gjitha investimet duhet të kryhen në përputhje me udhëzimet e kësaj politike. Në se për 

ndonjë  arsye  ka  mospërputhje,  atëhere  mospërputhja  duhet  të raportohet  në  Komitetin  e 

Investimeve së bashku me një plan i cili do të sigurojë këtë përputhshmëri.  

2. Amendimet  

Kjo  politikë  do  të  rishikohet  një  herë  në  vit.  Cdo  ndryshim  do  ti  paraqitet  Këshillit  të 

Administrimit nga Administratori i Përgjithshëm dhe Menaxheri i Investimeve.  

IX. Aprovimi i Politikës së Investimeve  

Politika e Investimeve duhet të aprovohet nga Këshilli i Administrimit.